ৰেচন কাৰ্ড হৈছে চৰকাৰৰ প্ৰদত্ত নথি যি পি.ডি.এচৰ আওঁতাত লাভান্বিত হবৰ বাবে দিয়া হৈছিল। NFSA '১৩ প্ৰযোগ কৰাৰ আগতে ৰাজ্যত তিনি ধৰণৰ ৰেচন কাৰ্ড আছিল, যাক অসমত পৰিয়াল পৰিচয় পত্ৰ বুলি কোৱা হৈছিল। এই তিনিধৰণৰ ৰেচন কাৰ্ড দিয়া হ'ল-
১) এ.পি.এল (দৰিদ্ৰ সীমাৰেখাৰ ওপৰৰ)
২) বি.পি.এল (দৰিদ্ৰ সীমাৰেখাৰ তলৰ)
৩) এ.এ.ৱাই (অন্তদয়া অন্ন যোজনা) PDS/TPDS ৰ অন্তৰ্গত হিতাধিকাৰী
ইয়াৰ ওপৰিও আৰু একধৰণৰ ৰেচন কাৰ্ড ৰাজ্য চৰকাৰৰ তৰফৰ পৰা প্ৰদান কৰা হৈছিল যাক কোৱা হৈছিল এম.এম.এ.এছ.ৱাই ( মুখ্যমন্ত্ৰী অন্ন সুৰক্ষা যোজনা) কাৰ্ড।
NFSA '১৩ প্ৰযোগ কৰাৰ লগে লগে ৰাজ্যত NFSA '১৩ আওঁতাত মাত্ৰ দুই ধৰণৰ ৰেচন কাৰ্ডহে উপলব্ধ হয়-
১) NFSA '১৩ ৰ অন্তৰ্গত এ.এ.ৱাই
২) NFSA '১৩ ৰ অন্তৰ্গত পৰিয়াল অগ্ৰাধিকাৰ পৰিয়াল কাৰ্ড
১) সেইজন ব্যক্তি যাৰ ৰেচন কাৰ্ড নাইঃ পৰিয়ালৰ জ্যেষ্ঠ মহিলা যি পৰিয়ালৰ বাৰ্ষিক উপাৰ্জন ১,০০০,০০.০০ ( এক লাখ) টকাতকৈ কম তেওঁ NFSA '১৩ৰ অধীনত ৰেচন কাৰ্ড পাব পাৰে যদিহে তেওঁ NFSA '১৩ য়ে নিৰ্ধাৰণ কৰি থোৱা সকলোধৰণৰ যোগ্যতাৰ ক্ষেত্ৰত সফল হয়। জ্যেষ্ঠ মহিলা সদস্যৰ অনুপস্থিতিত জ্যেষ্ঠ পুৰুষে আবেদন কৰিব পাৰে। এই ক্ষেত্ৰত ব্যক্তিজনে গাওঁবুঢ়া/ গাওঁ পঞ্চায়ত সভাপতি/ ৱাৰ্ড কমিছনাৰ / FCS&CA ৰ পৰিদৰ্শক অথবা কোনো নিৰ্ধাৰিত কৰ্তৃপক্ষৰ পৰা তেওঁৰ নামত কোনো ধৰণৰ ৰেচন কাৰ্ড নাই বুলি লিখা থকা প্ৰমাণ পত্ৰ দাখিল কৰিব লাগিব। এই ধৰণৰ প্ৰমাণ পত্ৰ সাধাৰণতে কৰ্তৃপক্ষই শপতনামা হোৱাৰ পিছতহে গ্ৰহণ কৰা হয়। এই প্ৰমাণ পত্ৰ ৰেচন কাৰ্ড আবেদন প্ৰ পত্ৰৰ সৈতে গাঁঠি দিয়া হয়। ৰাষ্ট্ৰীয় সুৰক্ষা আইনৰ অধীনত ৰেচন কাৰ্ড, (পৰিয়ালৰ পৰিচয় পত্ৰ পাবলৈ গ্ৰামাঞ্চলত গাওঁ সভা পাতি হিতাধিকাৰী চিনাক্ত কৰি জ্যেষ্ঠ খন্ডৰ উন্নয়ন বিষয়ালৈ পঠোৱা হয় আৰু চৰকাৰৰ দ্বাৰা নিৰ্ধাৰিত কমিটিয়ে হিতাধিকাৰী বাচনি কৰি উপযুক্ত মহকুমাধিপতিলৈ প্ৰেৰণ কৰে আৰু এই হিতাধিকাৰীৰ তালিকা চৰকাৰলৈ প্ৰেৰণ কৰা হয়|)
২) অনুৰূপ ৰেচন কাৰ্ডঃ যদি ৰেচন কাৰ্ড হেৰায় বা বেয়া হৈ যায়, কৰ্তৃপক্ষই নিৰ্ধাৰিত মূল্যৰ বিনিময়ত অনুৰূপ ৰেচন কাৰ্ড প্ৰদান কৰে।
৩) পূৰ্বৰ ঠাইত থকা ব্যক্তিৰ ৰেচন কাৰ্ডঃ এইটো গ্ৰহণযোগ্য হয় চৰকাৰী বিষয়া নাইবা এঠাইৰ পৰা আন ঠাইলৈ বদলি হোৱা ব্যক্তিৰ ক্ষেত্ৰত। এই ক্ষেত্ৰত, সমৰ্পণ পত্ৰ প্ৰয়োজন হব সেই ঠাইৰ FCS&CA কৰ্তৃপক্ষৰ যত ব্যক্তিজনে পূৰ্বতে কাম কৰিছিল। এই প্ৰমাণ পত্ৰ ৰেচন কাৰ্ড আবেদন প্ৰ পত্ৰৰ সৈতে গাঁঠি দিয়া হয়
৪) বিবাহৰ পিছত ৰেচন কাৰ্ডত অন্তৰ্ভূক্তিঃ এই ক্ষেত্ৰত সমৰ্পণ পত্ৰ প্ৰয়োজন হব পূৰ্বৰ বাসস্থানৰ পৰা যিটো FCS&CA কৰ্তৃপক্ষই প্ৰদান কৰিব। এই প্ৰমাণ পত্ৰ ৰেচন কাৰ্ড আবেদন প্ৰ পত্ৰৰ সৈতে গাঁঠি দিয়া হয়
৫) শিশুৰ জন্মৰ ক্ষেত্ৰতঃ ৰেচন কাৰ্ডত অতিৰিক্তভাবে, শিশুৰ জন্ম প্ৰমাণ পত্ৰ ৰেচন কাৰ্ডৰ সৈতে অতিৰিক্তভাবে প্ৰয়োজন হব যাৰ বাবে FCS&CA লৈ স্পষ্ট আখৰেৰে নাইবা টাইপ কৰি আবেদন দাখিল কৰিব লাগিব।
জিলা নাইবা মহকুমা পৰ্যায়ৰ FCS&CA কৰ্তৃপক্ষলৈ ৰেচন কাৰ্ড পাবৰ বাবে আবেদন কৰিব লাগিব।