প্ৰস্তাৱিত ১৯.০৬ লাখ দাৰিদ্ৰ সীমাৰেখাৰ তলৰ পৰিয়ালৰ বাবে হিতাধিকাৰী নিৰ্বাচিত কৰি আৰু F.I. কাৰ্ডসমূহ বিতৰণ কৰি আৰু লগতে হিতাধিকাৰীসকলক PDSৰ সামগ্ৰীসমূহ ৰেহাই মূল্যত যোগান ধৰি ৰাজ্যখনে ইতিমধ্যে লক্ষ্যত উপনীত হৈছে । উল্লেখযোগ্য যে এই ১৯.০৬ লাখ নিৰ্বাচিত হিতাধিকাৰীৰ ভিতৰত ১২.০২ লাখ হিতাধিকাৰীই PDS ৰ সুবিধাসমূহ দৰিদ্ৰ সমীমাৰেখাৰ তলৰ বাসিন্দা হিচাপে আৰু আৰু বাকী থকা ৭.০৪ লাখ হিতাধিকাৰীসমূহে ভাৰত চৰকাৰৰ নিৰ্দেশনা অনুসৰি থকা AAY বিভাগৰ পৰিয়ালক সামৰি লোৱা হৈছে । তলৰ আঁচনিসমূহ ৰাজহুৱা বিতৰণ ব্যৱস্থাৰ বাবে ধাৰ্য্য কৰা হৈছে-
ভাৰত চৰকাৰৰ নীতি-নিৰ্দেশনা অনুসাৰে এই আঁচনিখন আমাৰ ৰাজ্যখনত ২০০১ চনৰ নৱেম্বৰ মাহৰপৰা কাৰ্যকৰী হৈ আছে । এই যোজনাৰ বাবে প্ৰস্তাৱিত ৭.০৪ লাখ হিতাধিকাৰীৰ ভিতৰত ৰাজ্যখনে ইতিমধ্যে ৭.০৪ লাখ দৰিদ্ৰ সীমাৰেখাৰ তলৰ পৰিয়ালক AAY পৰ্যায়লৈ নিৰ্বাচিত কৰিছে । এনে নিৰ্বাচিত AAY হিতাধিকাৰীসকলক প্ৰতি মাহে ৩ টকা প্ৰতি কিলোগ্ৰাম মূল্যৰ অতি বেছি ৰাজসাহাৰ্য থকা চাউল প্ৰতি মাহে ৩৫ কিলোগ্ৰামকৈ দিয়া হয় । PDS নমিনীসকলক AAY চাউল FCIৰ সংশ্লিষ্ট FSDৰপৰা খুচুৰা দোকান যেনে GPSS, WCCS , বা সুলভ মূল্যৰ দোকানসমূহলৈ নিয়াৰ বাবে পৰিবহন ব্যয় ৩০ টকা প্ৰতি কুইন্টলকৈ ৰাজ্য চৰকাৰে অপৰিকল্পিত আঁচনিৰ অধীনত আদায় দিয়ে|
প্ৰতিটো হিতাধিকাৰী পৰিয়ালক এখন FICৰ বাবে ৬টকা প্ৰতিকেজি দৰত ২০ কেজিকৈ চাউল দিবৰ বাবে এই আঁচনিখনৰ পৰিকল্পনা কৰা হৈছিল । এই আঁচনিখন অসমৰ মুখ্যমন্ত্ৰীয়ে গুৱাহাটীৰ ৰবীন্দ্ৰ ভৱনত ২০১০ চনৰ ২ অক্টোবৰ তাৰিখে শুভাৰম্ভ কৰিছিল । এই আচনিৰ জৰিয়তে ২০ লাখ হিতাধিকাৰীই সুবিধা লাভ কৰিছিল । প্ৰথমতে প্ৰতি বিধানসভা সমষ্টিত ১০,০০০ পৰিয়ালক নিৰ্দেশিত নিৰ্বাচন সমিতিয়ে উপায়ুক্ত অথবা প্ৰধান স্চিবৰ তত্বাৱধানত হিতাধিকাৰী হিচাপে নিৰ্বাচিত কৰিছিল । পাছত এই লক্ষ্য প্ৰতি বিধানসভা সমষ্টিত ১৫০০০ জনলৈ বৃদ্ধি কৰা হয় । এই আঁচনিৰ দ্বিতীয় পৰ্যায়ে চৰ অঞ্চল, খহনীয়াত ক্ষতিগ্ৰস্ত অঞ্চল, চাহ জনজাতিপূৰ্ণ অঞ্চল আৰু আন্ত:ৰাষ্ট্ৰীয় বা আন্ত:ৰাজ্যিক সীমান্তৱৰ্তী অঞ্চলসমূহকো সামৰি লয় । অৱতশ্যে, বৰ্তমান NFSA, ২০১৩ অধিনত বেছিভাগ MMASY পৰিয়ালক সামৰি লোৱা বাবে, MMASYৰ বিতৰণ ২০১৫ৰ অক্টোবৰৰপৰা কোনো নিৰ্দেশ নোপোৱা পৰ্যন্ত স্থগিত ৰখা হৈছে ।
অসমত ৰাষ্ট্ৰীয় খাদ্য সুৰক্ষা আইন,১৩ ডিচেম্বৰ,২০১৫ ৰ পৰা ৰূপায়ন কৰা হৈছে আৰু ইয়াৰ অধীনত ৰাজ্যখনৰ ৮৪.১৭% গ্ৰাম্য জনসংখ্যা আৰু ৬০.৩৫% চহৰৰ জনসংখ্যাক (২০১১ৰ লোকপিয়ল মতে) ৰাজসাহাৰ্য্যকৃত ৩ টকা প্ৰতিকেজি দৰৰ চাউল বিতৰণৰ বাবে সামৰি লোৱা হৈছে । এই আঁচনিৰ অধীনত মুঠ হিতাধিকাৰীৰ সংখ্যা হেছে ২.৫২ কোটি । NFSA,১৩ৰ অধীনত দুই ধৰনৰ হিতাধিকাৰী আছে :
ভাৰত চৰকাৰৰ নিৰ্দেশনামতে ২০০১ বৰ্ষৰ নৱেম্বৰ মাহৰ পৰা অন্তোদয়া অন্ন যোজনা ৰাজ্যখনত চলি আছে । কেন্দ্ৰীয় চৰকাৰৰ নিৰ্দেশনা মতে ৰাজ্যখনত ৭.০৪ লাখ অন্তোদয়া অন্ন যোযনা (AAY) পৰিয়াল আছে আৰু এই সকলোখিনি পৰিয়াল ৰাষ্ট্ৰীয় খাদ্য সুৰক্ষা আইন ২০১৩ ৰ অধীনত সামৰি লোৱা হৈছে আৰু তেওঁলোকক ৰাজসাহাৰ্য্যযুক্ত ৩ টকীয়া চাউল প্ৰতিমাহে ৩৫ কেজিকৈ দিয়া হৈছে ।
অগ্ৰাধিকাৰপ্ৰাপ্ত হিতাধিকাৰীসমূহক পুৰ্ব্বৰ ৰাজহুৱা বিতৰণ ব্যৱস্থাৰ অধিনৰ BPL, APL, MMASY কাৰ্ডৰ সকলো অৰ্হতাসম্পন্ন পৰিয়ালক সামৰি লোৱা হৈছে| নতুন আবেদনকাৰীসকলকো অগ্ৰাধিকাৰপ্ৰাপ্ত হিতাধিকাৰী হিচাপে গণ্য কৰা হৈছে । অগ্ৰাধিকাৰপ্ৰাপ্ত হিতাধিকাৰীসকলক প্ৰতিগৰাকী সদস্যৰ নামত ৩টকা প্ৰতিকেজি দৰত ৫ কেজিকৈ চাউল দিয়া হয় । উপৰোক্ত সকলোৰে বাবে পৰিবহনৰ খৰছ আৰু কমিছন কেন্দ্ৰীয় তথা ৰাজ্য চৰকাৰে বহন কৰে ।
বৰ্তমান ভাৰত চৰকাৰে অসম চৰকাৰক এপ্ৰিল, মে, জুন, ২০১৭ ত ৬১৪৬৪ কিলোমিটাৰ, জুলাই, আগষ্ট, ছেপ্টেম্বৰ, ২০১৭ ত ৬১৪৬৪ কিলোমিটাৰ কেৰাচিন তেল আবন্টন দিছে আৰু ইয়াৰ বিতৰণ প্ৰক্ৰিয়া চলি আছে |
ৰাষ্ট্ৰীয় খাদ্য সুৰক্ষা আইন ২০১৩ ৰ ৰুপায়ন হোৱাৰ পাছত ২০১৫ চনৰ ডিচেম্বৰ মাহৰপৰা ভাৰত চৰকাৰে ৮২৭২ মেট্ৰিক টন ঘেহু প্ৰতি মাহে লেখ অনুযায়ী যোগান ধৰিছে । বৰ্তমান প্ৰতিমাহে ৫৭৮১ মেট্ৰিকটন Tide over wheat অসম চৰকাৰক প্ৰদান কৰি আছে ইয়াৰ বিতৰণ ব্যৱস্থা চলি আছে|
